2015 jylǵy 31 jeltoqsan, Astana qalasy
Ǵylymı jáne (nemese) ǵylymı-tehnıkalyq qyzmet nátıjelerin kommersııalandyrý jobalaryn qarjylandyrý qaǵıdalaryn bekitý týraly
«Ǵylymı jáne (nemese) ǵylymı-tehnıkalyq qyzmet nátıjelerin kommersııalandyrý týraly» 2015 jylǵy 31 qazandaǵy Qazaqstan Respýblıkasy Zańynyń 4-babynyń 4) tarmaqshasyn iske asyrý maqsatynda buıyramyn:
1. Qosa berilip otyrǵan Ǵylymı jáne (nemese) ǵylymı-tehnıkalyq qyzmet nátıjelerin kommersııalandyrý jobalaryn qarjylandyrý qaǵıdalary bekitilsin.
2. Qazaqstan Respýblıkasy Bilim jáne ǵylym mınıstrliginiń Ǵylym komıteti (S.E.Joldasbaev) zańnamada belgilengen tártippen:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryqty Qazaqstan Respýblıkasy Ádilet mınıstrliginde memlekettik tirkeýden ótkennen keıin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi;
3) osy buıryqty Qazaqstan Respýblıkasy Bilim jáne ǵylym mınıstrliginiń ınternet-resýrsynda ornalastyrýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Bilim jáne ǵylym vıse-mınıstri T.O. Balyqbaevqa júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Mınıstrdiń mindetin atqarýshy T.BALYQBAEV
«KELISILDI»
Qazaqstan Respýblıkasynyń Qarjy mınıstri ____________ B.Sultanov
2015 jylǵy 31 jeltoqsan
Qazaqstan Respýblıkasy Bilim jáne ǵylym mınıstriniń mindetin atqarýshynyń
2015 jylǵy 31 jeltoqsandaǵy №718 buıryǵymen bekitilgen
Ǵylymı jáne (nemese) ǵylymı-tehnıkalyq qyzmet nátıjelerin kommersııalandyrý
jobalaryn qarjylandyrý qaǵıdalary
1. Jalpy erejeler
1. Ǵylymı jáne (nemese) ǵylymı-tehnıkalyq qyzmet nátıjelerin kommersııalandyrý jobalaryn qarjylandyrý qaǵıdalary (budan ári – Qaǵıdalar) «Ǵylymı jáne (nemese) ǵylymı-tehnıkalyq qyzmet nátıjelerin kommersııalandyrý týraly» 2015 jylǵy 31 qazandaǵy Qazaqstan Respýblıkasynyń Zańyna (budan ári – Zań) sáıkes ázirlendi jáne memlekettik bıýdjet jáne (nemese) bıýdjetten tys qarajattarynyń esebinen Ǵylymı jáne (nemese) ǵylymı-tehnıkalyq qyzmet nátıjelerin kommersııalandyrý granttaryn qarjylandyrý (budan ári – granttyq qarjylandyrý) tártibin aıqyndaıdy.
2. Ǵylymı jáne (nemese) ǵylymı-tehnıkalyq qyzmet nátıjelerin kommersııalandyrý jobalaryn qarjylandyrý sharty operator men Oryndaýshy arasynda memlekettik bıýdjetten nemese bıýdjetten tys qarajattan qarjylandyrý aıasynda ony iske asyrýdyń barlyq merziminde, biraq úsh jyldan aspaıtyn merzimde jasalady.
3. Osy Qaǵıdalarda mynadaı negizgi uǵymdar paıdalanylady:
1) baldardy saralaý – saraptama nátıjeleri boıynsha jáne bólingen qarajat kólemin eskere otyryp, joǵary ball boıynsha jobalardyń tizbesin jasaý;
2) ǵylymı jáne (nemese) ǵylymı-tehnıkalyq qyzmet nátıjelerin kommersııalandyrý jobasy – zııatkerlik qyzmettiń nátıjelerin qosa alǵanda, ǵylymı jáne (nemese) ǵylymı-tehnıkalyq qyzmet nátıjelerin praktıkalyq qoldanylýǵa usynylǵan jumystyń mazmunyn qamtıtyn, naryqqa tabys keltirýge baǵyttalǵan jańa nemese jetildirilgen taýarlardy, prosester men qyzmetterdi shyǵarý maqsatyndaǵy qujat;
3) ǵylym salasyndaǵy ýákiletti organ – ǵylymı jáne (nemese) ǵylymı-tehnıkalyq qyzmet nátıjelerin kommersııalandyrý salasyndaǵy salaaralyq úılestirý men basshylyq etýdi júzege asyratyn memlekettik organ;
4) qatysýshy – ǵylymı jáne (nemese) ǵylymı-tehnıkalyq qyzmet nátıjelerin kommersııalandyrýdyń qatysýshylary retinde Zańmen aıqyndalǵan jeke jáne zańdy tulǵalar;
5) operator (Tapsyrys berýshi) – ǵylymı jáne (nemese) ǵylymı-tehnıkalyq qyzmet nátıjelerin kommersııalandyrýdy júzege asyrýdy uıymdastyrý boıynsha, onyń ishinde jobalardy irikteý jáne olardy qarjylandyrý, ekonomıkalyq saraptamalardy júrgizý, qarajatty paıdalaný tıimdiligin jáne granttyq qarjylandyrý nátıjeliligin monıtorıngileýdi júzege asyrý maqsatynda konkýrsty ótkizýdi uıymdastyrý boıynsha tájirıbesi bar, ýákiletti organmen nemese salalyq ýákiletti organmen anyqtalatyn zańdy tulǵa. Operator retindegi ózge de zańdy tulǵalar ýákiletti organdar nemese salalyq ýákiletti organdardyń buıryǵyna sáıkes aıqyndalady;
6) salalyq ýákiletti organdar – ǵylymı jáne (nemese) ǵylymı-tehnıkalyq qyzmet nátıjelerin kommersııalandyrý salasynda memlekettik saıasatty iske asyrýdy jáne tıisti salalarda jumystardy úılestirýdi júzege asyratyn memlekettik organdar;
7) ekonomıkalyq (marketıngtik) saraptama (budan ári – EMS) – týraly kommersııalandyrý jobalaryn iske asyrýdyń múmkindikteri men keleshegi jáne olardy engizýdi operator júzege asyratyn ekonomıkalyq tıimdiligi týraly negizdelgen zertteýlerge (baǵalaý) baılanysty qyzmet.
2. Ǵylymı jáne (nemese) ǵylymı-tehnıkalyq qyzmet nátıjelerin kommersııalandyrý
jobalaryn qarjylandyrý grantynyń tártibi
4. Granttyq qarjylandyrý bıýdjetten jáne (nemese) bıýdjetten tys qarajat esebinen qatysýshylarǵa konkýrstyq negizde, bıýdjetten jáne (nemese) bıýdjetten tys qaıtarymsyz qarajat bolyp qarastyrylǵan qarajat sheginde bólinedi.
5. Operator (Tapsyrys berýshi) kommersııalandyrý rásimderin uıymdastyrý maqsatynda ǵylymı jáne (nemese) ǵylymı-tehnıkalyq qyzmet nátıjelerin kommersııalandyrý jobalaryn irikteý boıynsha konkýrsty uıymdastyrý jáne ótkizýdi, onyń ishinde, konkýrs qujattamalaryn ázirleý jáne bekitýdi, EMS jobalaryn ótkizýdi, olardy qarjylandyrýdy qosa alǵandaǵy qyzmetti iske asyrady, sondaı-aq qarajatty paıdalaný tıimdiligin jáne granttyq qarjylandyrý nátıjeliligin monıtorıngteýdi júzege asyrady.
6. Ǵylymı jáne (nemese) ǵylymı-tehnıkalyq qyzmetti kommersııalandyrý nátıjelerin granttyq qarjylandyrý konkýrsyn osy Qaǵıdalarǵa sáıkes konkýrsty jarııalaýshy operator ótkizedi.
7. Konkýrs qujattamalary kelesi málimetterdi qamtıdy:
1) konkýrs operatorynyń ataýy;
2) taqyryp ataýynyń sheńberinde kommersııalandyrýdyń tıisti jobalaryn jasaý;
3) jobany iske asyrý jospary;
4) konkýrs ótiniminiń nysany men qosymshasy;
5) kommersııalandyrýǵa arnalǵan bir jobany qarjylandyrýdyń barynsha kóp kólemi;
6) qatysýshylarǵa biliktilik talaby;
7) konkýrs ótinimin rásimdeý jáne usyný talaby;
8) konkýrs ótinimderin qaraý tártibi jáne jeńimpazdy anyqtaý.
8. Grantty alýǵa úmitker retinde Qatysýshy, Tapsyrys berýshige osy Qaǵıdalardyń 7-tarmaǵynda kórsetilgen málimetterge qosymsha Jobany qajetti resýrstarmen ishinara, onyń ishinde qarjylyq qamtamasyz etýdi júzege asyrý úshin jeke áriptester tarapynan birlesip qarjylandyrýǵa tartý týraly málimetterdi usynady. Taraptardyń nıetterin rastaý olardy iske asyrý merzimderi men salym somasyn kórsete otyryp, birlesip qarjylandyrý týraly kelisim bolyp tabylady.
Jeke áriptestiktiń bolýy ótinimdi qaraý jáne granttyq qarjylandyrýdy alýǵa jeńimpazdardy aıqyndaý kezindegi basymdylyq sharttardyń biri bolyp tabylady.
9. Granttyq qarjylandyrýǵa arnalǵan konkýrsty ótkizý týraly habarlandyrýdy operator respýblıkalyq merzimdi baspa basylymdarynda jarııalaıdy jáne ǵylym salalaryndaǵy ýákiletti organnyń nemese salalyq ýákiletti organdardyń nemese operatordyń ınternet resýrstarynda ornalastyrady jáne oǵan erkin qol jetkizýge bolady.
10. Granttyq qarjylandyrý konkýrsy týraly habarlandyrý mynadaı aqparatty qamtıdy:
1) konkýrs operatorynyń ataýy;
2) konkýrs ataýy jáne granttyq qarjylandyrýdyń kólemi;
3) konkýrs operatorynyń jaýapty laýazymdy adam týraly málimetter, ıaǵnı konkýrs qujattaryn túsindirý jáne konkýrs ótinimderin daıyndaý máseleleri boıynsha konsýltasııany júzege asyrady;
4) ótinimderdi usynýdyń sońǵy merzimderi konkýrs týraly habarlandyrý shyqqan kúnnen bastap kúntizbelik otyz kúnnen erte emes jáne 45 kúnnen artyq emes.
11. Konkýrs qujattamalaryna sáıkes kelmeıtin ótinimderdi konkýrs operatorlary keri qaıtarýy tıis.
12. Konkýrs operatory konkýrs qujattamasyna sáıkes keletin ótiniminiń bir danasyn Ulttyq, memlekettik ǵylymı-tehnıkalyq saraptama ortalyǵyna (budan ári – Saraptama ortalyǵy) konkýrs ótinimin qabyldaý aıaqtalǵan kúnnen bastap bes jumys kúni ishinde jiberedi.
13. Saraptama ortalyǵy memlekettik ǵylymı-tehnıkalyq saraptamany (budan ári – MǴTS) grant negizinde qarjylandyrý ótinimin alǵan kúnnen bastap kúntizbelik otyz kúnnen keshiktirmeı ótkizýdi uıymdastyrady jáne MǴTS nátıjelerin konkýrs operatoryna usynady.
14. Operator granttyq qarjylandyrýǵa EMS ótinimderin ótkizýdi uıymdastyrady jáne konkýrsqa ótinimderdi qabyldaý aıaqtalǵan kúnnen bastap kúntizbelik otyz kúnnen keshiktirmeıtin merzimde sarapshymen shart jasasady.
15. Operator MǴTS men EMS aıaqtalǵan soń operator bes jumys kúni ishinde ótinimderdiń nátıjelerin saraptama qorytyndylarymen birge tıisti Ulttyq ǵylymı keńesterge (UǴK) jiberedi.
16. Konkýrs ótinimderin olardy irikteýde kózdelgen rásimderdi esepke ala otyryp qarastyrý konkýrs týraly habarlandyrý shyqqan kúnnen bastap kúntizbelik toqsan bes kúnnen aspaıtyn merzimde júzege asyrylady.
18. Granttyq qarjylandyrý konkýrsynyń nátıjeler mindetti túrde merzimdi baspa basylymdarynda jarııalanýy jáne operatordyń ınternet resýrstarynda ornalastyrylýy tıis.
19. Granttyq qarjylandyrý operatordyń konkýrs jeńimpazymen granttyq qarjylandyrý týraly shart jasaýynyń negizinde júzege asyrylady.
20. Granttyq qarjylandyrýdy toqtatý týraly sheshimdi UǴK operatordyń iske asyrý kezeńinde júrgizgen monıtorıng nátıjeleri boıynsha qabyldaıdy.
21. Oryndaýshylar operatorǵa shartta belgilengen merzimde aralyq esepti sondaı-aq, granttyq qarjylandyrýdy paıdalanýdyń qarjylyq esebin qosa alǵanda jobany iske asyrý qorytyndysy boıynsha esepti usynady.
Buıryq Qazaqstan Respýblıkasynyń Ádilet mınıstrliginde 2015 jylǵy 31 jeltoqsanda Normatıvtik quqyqtyq kesimderdi memlekettik tirkeýdiń tizilimine №12775 bolyp engizildi.